અમેરિકાના સિએટલ પાર્કમાં ભારતીય-અમેરિકન પરિવાર પર રંગભેદી હુમલો: સોશિયલ મીડિયા પર આક્રોશ

Racist Attack Seattle | અમેરિકાના વોશિંગ્ટન (Washington) રાજ્યમાં આવેલા સિએટલ-વૂડિનવિલે (Seattle-Woodinville) વિસ્તારના કોટેજ લેક પાર્ક (Cottage Lake Park) માં એક ભારતીય-અમેરિકન પરિવારને નિશાન બનાવીને કરવામાં આવેલા રંગભેદી હુમલાનો વીડિયો સોશિયલ મીડિયા પર વાયરલ થયો છે.

આ ઘટનાને પગલે સમગ્ર સમુદાયમાં ભારે આક્રોશ ફાટી નીકળ્યો છે અને લોકો આ મામલાને નફરત ગુનો (Hate Crime) ગણાવીને પોલીસ તપાસની માંગ કરી રહ્યા છે.

આ સમગ્ર ઘટના ત્યારે પ્રકાશમાં આવી જ્યારે ઇન્ડિયન અમેરિકન એક્શન કાઉન્સિલ (IAAC) ના સ્થાપક રાજીવ શર્માએ સોશિયલ મીડિયા પ્લેટફોર્મ એક્સ (X) પર આ ઘટનાના વીડિયો શેર કર્યા હતા. તેમણે આ પીડિત પરિવાર અને ઘટનાના સાક્ષીઓને તાત્કાલિક સ્થાનિક સત્તાવાળાઓ સમક્ષ રિપોર્ટ કરવા અપીલ કરી છે.

રાજીવ શર્માએ આક્ષેપ કર્યો છે કે આ ઘટનામાં નફરતભર્યા ભાષણ (Hate Speech), ધમકીભર્યા ઈશારા અને બાળકોની સામે જ અભદ્ર પ્રદર્શન કરવામાં આવ્યું હતું.

નફરતભરી ટિપ્પણીઓ અને બંદૂક ચલાવવાનો ડોળ
વાયરલ થયેલા વીડિયો ફૂટેજમાં એક અજ્ઞાત ભારતીય-અમેરિકન પરિવાર અને એક અજાણ્યા યુવાન વચ્ચે ઉગ્ર બોલાચાલી થતી જોવા મળે છે. આ વિવાદ દરમિયાન તે યુવક વારંવાર અપશબ્દો બોલે છે અને પરિવારની અંગ્રેજી બોલવાની લહેજા (Accent) ની મજાક ઉડાવતા કહે છે કે, “હું તમારો એક્સેન્ટ સમજી શકતો નથી”.

આ સાથે જ તેણે ભારતીય મૂળના લોકો માટે ઓનલાઈન વાપરવામાં આવતા અત્યંત વાંધાજનક જાતિવાદી શબ્દ (Racial Slur) ‘પાજીત’ (Pajeet) નો ઉપયોગ કરીને કહ્યું કે, “હું પાજીત ભાષા નથી બોલતો”.

આટલું જ નહીં, વીડિયોમાં તે યુવક પરિવાર અને ત્યાં હાજર નાના બાળકો તરફ પોતાના કપડાં ઉતારીને અભદ્ર પ્રદર્શન કરતો અને હાથથી બંદૂક કાઢવાનો (Simulating a Gun) ડોળ કરીને ધમકી આપતો પણ દેખાય છે.

🚨 ALERT: Seattle/Woodinville area. We need to identify the Indian American family targeted in this racist attack at Cottage Lake Park by Trelen Brannen whose girlfriend is a MINOR! This incident involved hate speech, threatening gestures, and indecent exposure in front of… pic.twitter.com/aUzMeZOk0e

— Rajeev Sharma (@RajeevSharma00) July 3, 2026

આરોપીની ઓળખ અને કાયદાકીય કાર્યવાહીની માંગ
રાજીવ શર્માએ આ વંશીય હુમલો કરનાર મુખ્ય આરોપીની ઓળખ 18 વર્ષીય ટ્રેલેન બ્રેનન (Trelen Brannen) તરીકે કરી છે. જોકે, તેની સાથે હાજર યુવતી સગીર હોવાથી તેની ઓળખ જાહેર કરવામાં આવી નથી.

શર્માએ જણાવ્યું કે કોટેજ લેક વિસ્તારની પોલીસ સમક્ષ આ મામલો મૂકવામાં આવ્યો છે અને કડક તપાસ જરૂરી છે. વોશિંગ્ટનના કાયદા (Washington Law) મુજબ, કોઈ વ્યક્તિની જાતિ, વંશ અથવા રાષ્ટ્રીય મૂળના કારણે તેની પર હુમલો કરવો કે ધમકી આપવી તે હેડ ક્રાઈમ (Hate Crime) ની શ્રેણીમાં આવે છે.

હાલમાં આ પરિવાર દ્વારા સત્તાવાર પોલીસ ફરિયાદ (Police Report) નોંધાવવામાં આવી છે કે કેમ તેની સ્વતંત્ર પુષ્ટિ થઈ શકી નથી.