એપસ્ટિન ફાઈલ વિવાદ: દિલ્હીમાં આયોજિત AI સમિટમાં બિલ ગેટ્સ નહીં આવે, જુઓ કોણ આપશે સ્પીચ

Bill Gates AI Summit Delhi 2026: ભારતના પાટનગર દિલ્હી (Delhi) માં આયોજિત ગ્લોબલ (Global) AI Summit માં એક મોટો ફેરફાર જોવા મળ્યો છે. માઇક્રોસોફ્ટ (Microsoft) ના સહ-સ્થાપક બિલ ગેટ્સ (Bill Gates) આ કાર્યક્રમમાં હાજર રહેશે નહીં. અગાઉના શિડ્યુલ મુજબ, તેઓ 19 ફેબ્રુઆરીના રોજ મુખ્ય વક્તા તરીકે 12 મિનિટનું ભાષણ (Speech) આપવાના હતા, પરંતુ છેલ્લી ઘડીએ તેમના કાર્યાલય દ્વારા આ અંગે ફેરફાર કરવામાં આવ્યો છે.

Epstein Files વિવાદની અસર? ગેટ્સ ફાઉન્ડેશન (Gates Foundation) ના જણાવ્યા અનુસાર, સમિટની પ્રાથમિકતાઓ અને ગંભીર વિચારણા બાદ બિલ ગેટ્સે આ નિર્ણય લીધો છે. હવે તેમના સ્થાને ફાઉન્ડેશનના આફ્રિકા (Africa) અને ઇન્ડિયા (India) ઓફિસના પ્રેસિડેન્ટ (President) અંકુર વોરા સંબોધન કરશે. સોશિયલ મીડિયા પર એવી પણ ચર્ચા છે કે ‘Epstein Files’ માં નામ હોવાના વિવાદને કારણે બિલ ગેટ્સે આ અંતર જાળવ્યું હોઈ શકે છે.

ભારત મંડપમ (Bharat Mandapam) ખાતે ગેરહાજરી: બિલ ગેટ્સ સોમવારે જ ભારત આવી ગયા હતા અને તેમણે આંધ્રપ્રદેશના વિજયવાડામાં મુખ્યમંત્રી ચંદ્રબાબુ નાયડુ અને ડેપ્યુટી સીએમ (Deputy CM) પવન કલ્યાણ સાથે બેઠકો કરી હતી. જોકે, દિલ્હીમાં તેમની ગેરહાજરી છતાં ફાઉન્ડેશને જણાવ્યું છે કે તેઓ ભારતમાં હેલ્થ (Health) અને ડેવલપમેન્ટ (Development) ના લક્ષ્યો માટે સમર્પિત છે.

Galgotias University નો સ્ટોલ હટાવાયો: બીજી તરફ, આ સમિટમાં ગલગોટિયા યુનિવર્સિટી (Galgotias University) ના સ્ટોલને લઈને મોટો વિવાદ થયો છે. યુનિવર્સિટીએ જે બે પ્રોડક્ટ્સ (Products) પોતાના હોવાનો દાવો કર્યો હતો, તે ખરેખર ચીન (China) અને કોરિયા (Korea) માં બનેલી હોવાનું બહાર આવ્યું છે. આ ગેરરીતિ બદલ સમિટમાંથી તેમનો સ્ટોલ હટાવવાનો આદેશ અપાયો છે.