મમતા કાફલે ભટ્ટ કેસમાં નવો વળાંક: લાશ ન મળવા છતાં પતિ વિરૂદ્ધ ફોરેન્સિક પુરાવા મળ્યા

Mamta Kafle Bhatt | અમેરિકા (America) માં વ્યાપક ચર્ચા જગાવનારા મમતા કાફલે ભટ્ટ (Mamta Kafle Bhatt) ગુમશુદગી અને હત્યા કેસમાં સરકારી વકીલોએ નવા ચોંકાવનારા ફોરેન્સિક પુરાવા (Forensic evidence) રજૂ કર્યા છે.

મનાસાસ પાર્ક (Manassas Park) ની રહેવાસી મમતાની તેના જ પતિ દ્વારા હત્યા કરવામાં આવી હોવાનો આરોપ છે, જોકે હજુ સુધી તેની લાશ મળી નથી. તાજેતરમાં કોર્ટ (Court) માં રજૂ કરાયેલા દસ્તાવેજો અનુસાર, ફોરેન્સિક ઇન્વેસ્ટિગેટર્સે (Forensic investigators) એક ઇલેક્ટ્રિક કરવત એટલે કે પાવર સો (Power saw) માંથી માનવ વાળ, વાળના ટુકડા, ફાઈબર્સ (Fibers) અને અન્ય કચરો મેળવ્યો છે. આ કટીંગ મશીન આ કેસમાં કડીરૂપ પુરાવો માનવામાં આવે છે.

સત્તાવાળાઓના જણાવ્યા અનુસાર, તપાસકર્તાઓને આ કરવત પરથી 3 માનવ વાળ અને 13 માનવ વાળના ટુકડા મળી આવ્યા છે. આ વાળ ન્યુક્લિયર ડીએનએ ટેસ્ટિંગ (Nuclear DNA testing) માટે યોગ્ય હોવાથી તેને વધુ વિશ્લેષણ માટે લેબોરેટરી (Laboratory) માં મોકલવામાં આવ્યા છે, જેનો રિપોર્ટ આવવાનો હજુ બાકી છે.

નેપાળમાં જન્મેલી નર્સ (Nurse) અને એક બાળકીની માતા મમતા કાફલે ભટ્ટ ઓગસ્ટ 2024 માં રહસ્યમય રીતે ગુમ થઈ હતી. તે નોકરી પર ન જતાં અને પરિવાર સાથે સંપર્ક તૂટી જતાં તપાસ શરૂ થઈ હતી.

પોલીસનો દાવો છે કે મમતાની તેના પોતાના જ ઘરમાં હત્યા કરવામાં આવી હતી. લાશ ન મળી હોવા છતાં, પોલીસે તેના પતિ નરેશ ભટ્ટ (Naresh Bhatt) પર ફર્સ્ટ-ડિગ્રી મર્ડર (First-degree murder) અને લાશ છુપાવવાનો ગુનો નોંધ્યો છે.

અગાઉની કોર્ટ કાર્યવાહીમાં ખુલાસો થયો હતો કે આ પાવર સો (Power saw) પરથી લોહીના અંશ પણ મળ્યા હતા. ડીએનએ (DNA) પરીક્ષણમાં તે લોહી મમતાનું હોવાની પુષ્ટિ થઈ હતી, જ્યારે નરેશ ભટ્ટ અને તેમની પુત્રીના ડીએનએ પ્રોફાઇલ (DNA profile) તેમાં મેચ નહોતા થયા.

આ ઉપરાંત, પોલીસે દંપતીના ઘરમાંથી મળેલા લોહીના ડાઘ, સીસીટીવી સર્વેલન્સ ફૂટેજ (Surveillance footage), ડિજિટલ પુરાવા (Digital evidence) અને ઇન્ટરનેટ સર્ચ (Internet searches) ને પણ મુખ્ય પુરાવા બનાવ્યા છે.

મમતા ગુમ થઈ તે દિવસોમાં નરેશે ઇન્ટરનેટ પર પત્નીના મૃત્યુ પછી પુનઃલગ્ન કરવા અને નાણાકીય જવાબદારીઓ અંગે સર્ચ કર્યું હતું. તેમજ તેણે છરીઓ અને ક્લિનિંગ સપ્લાય (Cleaning supplies) ની ખરીદી પણ કરી હતી.

નરેશ ભટ્ટે તમામ આરોપો નકારી દીધા છે અને તે હાલ કસ્ટડી (Custody) માં છે. આ હાઈ-પ્રોફાઈલ કેસની ટ્રાયલ (Trial) ઓક્ટોબર 2026 માં શરૂ થવાની છે.