Gujarat: કચ્છમાં સૌથી વધુ રૂ.1.25 લાખ કરોડના રોકાણ માટે MoU

Vibrant Gujarat Regional Summit | ગુજરાતના ઔદ્યોગિક વિકાસ (Industrial Development) માં એક નવો અધ્યાય ઉમેરાયો છે. મુખ્યમંત્રી ભૂપેન્દ્ર પટેલની અધ્યક્ષતામાં મળેલી કેબિનેટ બેઠક (Cabinet Meeting) બાદ પ્રવક્તા મંત્રી જીતુભાઈ વાઘાણીએ વાયબ્રન્ટ ગુજરાત રીજનલ સમિટ (Vibrant Gujarat Regional Summit) ની ભવ્ય સફળતાની જાહેરાત કરી હતી. રાજકોટ ખાતે યોજાયેલી આ સમિટમાં કચ્છ અને સૌરાષ્ટ્રના વિકાસ માટે કુલ ₹5.78 લાખ કરોડના રોકાણના MoU કરવામાં આવ્યા છે.

રોજગારી અને પ્રોજેક્ટ્સની વિગતો

મંત્રીએ જણાવ્યું હતું કે, આ બે દિવસીય સમિટ દરમિયાન કુલ 5,492 પ્રોજેક્ટ્સ (Projects) માટે સમજૂતી કરાર (MoU) થયા છે. આ રોકાણના પરિણામે રાજ્યમાં અંદાજે 6,26,253 જેટલી નવી રોજગારી (Employment Opportunities) ની તકો ઉભી થશે.

કચ્છ જિલ્લો રોકાણમાં મોખરે

આ સમિટમાં કચ્છ જિલ્લો ઇન્વેસ્ટમેન્ટ (Investment)ની દ્રષ્ટિએ પ્રથમ ક્રમે રહ્યો છે:

• કચ્છ: ₹1,25,017 કરોડનું રોકાણ અને 458 પ્રોજેક્ટ્સ.

• ભાવનગર: ₹60,000 કરોડના રોકાણ સાથે 306 પ્રોજેક્ટ્સ.

• અમરેલી: ₹36,000 કરોડનું સંભવિત રોકાણ અને 62 પ્રોજેક્ટ્સ.

• રાજકોટ: ₹23,000 કરોડના રોકાણ સાથે સૌથી વધુ 2,921 પ્રોજેક્ટ્સ.

સેક્ટર મુજબ રોકાણ (Sector-wise Investment)

સમિટ દરમિયાન સૌથી વધુ રોકાણ પાવર, ઓઈલ અને ગેસ (Power, Oil and Gas Sector) ક્ષેત્રમાં જોવા મળ્યું છે, જેમાં ₹4,55,065 કરોડના MoU થયા છે. આ ઉપરાંત અન્ય વિવિધ સ્થળોએ ₹2,62,293 કરોડના વધારાના 59 MoU પણ કરવામાં આવ્યા છે.

ગુજરાત હવે ‘ગ્લોબલ ઇન્વેસ્ટમેન્ટ ડેસ્ટિનેશન’ (Global Investment Destination) તરીકે ઉભરી રહ્યું છે. આ પ્રોજેક્ટ્સ આગામી સમયમાં સૌરાષ્ટ્ર અને કચ્છના આર્થિક માળખાને વધુ મજબૂત બનાવશે.