અમેરિકામાં ગુજરાતી યુવકે ફેડરલ ઓફિસર બની બઝુર્ગ સાથે કરી 5 લાખ ડોલરની છેતરપિંડી કરી

Urvishkumar Patel Fraud | અમેરિકા (America) ના મેસાચ્યુસેટ્સ (Massachusetts) માં એક 75 વર્ષીય વયોવૃદ્ધ નાગરિક સાથે આશરે 500,000 ડોલર (ડોલર 500,000) ની છેતરપિંડી આચરવાના કૌભાંડમાં સામેલ 23 વર્ષીય ગુજરાતી યુવક ઉર્વિશકુમાર વિપુલકુમાર પટેલે સ્પ્રિંગફીલ્ડ (Springfield) ની ફેડરલ કોર્ટમાં પોતાનો ગુનો કબૂલ કરી લીધો છે.

સાઉથ બોસ્ટન (South Boston) ના રહેવાસી ઉર્વિશકુમારે વાયર ફ્રોડ કરવાની સાજિશ (Conspiracy to commit wire fraud) ના એક કાઉન્ટ હેઠળ ગુનો સ્વીકાર્યો છે. યુએસ ડિસ્ટ્રિક્ટ કોર્ટ (U.S. District Court) ના જજ માર્ક જી. મેસ્ટ્રોઇઆની (Mark G. Mastroianni) દ્વારા આ કેસમાં 13 ફેબ્રુઆરી, 2026 ના રોજ અંતિમ સજા સંભળાવવામાં આવશે. આ આરોપીની 7 ઓક્ટોબર, 2024 ના રોજ ધરપકડ કરવામાં આવી હતી અને નવેમ્બર 2024 માં ગ્રાન્ડ જ્યુરી દ્વારા દોષિત ઠેરવાયો હતો.

આ સાયબર ફ્રોડ (Cyber fraud) ની વિગતો મુજબ, 2024 ની શરૂઆતમાં બર્કશાયર કાઉન્ટીના એક વયોવૃદ્ધ નાગરિકના કમ્પ્યુટર પર અચાનક એક પોપ-અપ મેસેજ (Pop-up message) આવ્યો હતો. જેમાં દાવો કરાયો હતો કે તેમનું કમ્પ્યુટર ફ્રીઝ (Freeze) થઈ ગયું છે અને સ્ક્રીન પર આપેલા નંબર પર સંપર્ક કરવા જણાવ્યું હતું, જે માઇક્રોસોફ્ટ (Microsoft) નો હોવાનું કહેવાયું હતું.

પીડિતે જ્યારે કોલ કર્યો ત્યારે તેમનો ફોન એક અજાણ્યા શખ્સ પાસે ટ્રાન્સફર થયો હતો, જેણે પોતાની ઓળખ યુએસ ટ્રેઝરી ડિપાર્ટમેન્ટ (U.S. Treasury Department) ના ફેડરલ લો એન્ફોર્સમેન્ટ ઓફિસર (Federal law enforcement officer) ‘સેમ વિલ્સન’ (Sam Wilson) તરીકે આપી હતી.

વિલ્સને વૃદ્ધને ડરાવ્યા કે તેઓ મની લોન્ડરિંગ (Money laundering) ના કેસમાં સંડોવાયેલા છે અને બચવા માટે બેંકમાંથી તમામ કેશ (Cash) નિકાળી સેફકીપિંગ માટે ટ્રેઝરી વિભાગને સોંપવી પડશે. તેણે પીડિતને રોકડ રકમ એક બોક્સમાં પેક કરી તેના પર નામ-સરનામું લખવા કહ્યું હતું.

પૈસા કલેક્ટ (Collect) કરવા માટે ઉર્વિશકુમાર કુરિયર મોકલતો હતો. પિકઅપ પહેલા તે પીડિત પાસેથી તેમના કપડાંનું વર્ણન લેતો અને એક સિક્રેટ પિન (PIN) પાસકોડ આપતો હતો. 7 ઓક્ટોબર, 2024 ના રોજ ઉર્વિશકુમાર પોતે ગાડી ચલાવીને નોર્થ એડમ્સ (North Adams) પહોંચ્યો હતો.

તેણે પીડિત સમજીને ત્યાં હાજર વ્યક્તિને પૂર્વ-નિર્ધારિત પાસકોડ આપ્યો અને જેવો કેશ ભરેલો બોક્સ લઈને નીકળવા ગયો, ત્યાં જ એફબીઆઈ (FBI) અને સ્થાનિક પોલીસની ટીમે તેને રંગેહાથ ઝડપી લીધો હતો.

યુએસ એટર્ની લીહ બી. ફોલી (Leah B. Foley) ના જણાવ્યા અનુસાર, વાયર ફ્રોડના આ ગુનામાં આરોપીને મહત્તમ 20 વર્ષ સુધીની જેલની સજા, 3 વર્ષની સુપરવાઇઝ્ડ રીલીઝ અને 250,000 ડોલર સુધીનો દંડ થઈ શકે છે. હાલ આ મામલે એજન્સીઓ દ્વારા આગળની તપાસ ચલાવવામાં આવી રહી છે.