સીરિયલ ‘કાયલ’ ફેમ અભિનેત્રી સુભાષિનીએ કરી આત્મહત્યા, પતિ સાથે વીડિયો કોલ દરમિયાન ભર્યું અંતિમ પગલું

Tamil actor Subashini Balasubramaniyam Suicide |  તમિલ ટેલિવિઝન (Tamil Television) જગતમાંથી એક અત્યંત દુખદ સમાચાર સામે આવ્યા છે. જાણીતી સીરિયલ ‘કાયલ’ (Kayal) માં પોતાના અભિનયથી લોકપ્રિય બનેલી 36 વર્ષીય અભિનેત્રી સુભાષિની (Subhashini) એ ચેન્નાઈમાં આત્મહત્યા (Suicide) કરી લીધી છે. 6 April 2026 ના રોજ આ ઘટના પ્રકાશમાં આવતા સમગ્ર ઈન્ડસ્ટ્રીમાં શોકની લહેર ફરી વળી છે.

સંઘર્ષથી સફળતા સુધીની સફર મૂળ શ્રીલંકાની વતની સુભાષિની એન્ટરટેઈનમેન્ટ વર્લ્ડમાં કરિયર બનાવવાના સપના સાથે ચેન્નાઈ આવી હતી. શરૂઆતના તબક્કે અનેક ઓડિશન (Audition) અને નાની ભૂમિકાઓ બાદ તેને Sun TV ની ફેમસ સીરિયલ ‘કાયલ’ માં મોટો બ્રેક મળ્યો હતો. તેના સાદગીભર્યા અભિનયે તેને દરેક ઘરમાં જાણીતી બનાવી દીધી હતી. ઘણા લોકો તેને ભવિષ્યની મોટી ફિલ્મ સ્ટાર તરીકે જોઈ રહ્યા હતા.

ઘટનાની વિગત અને પોલીસ તપાસ રિપોર્ટ્સ અનુસાર, સુભાષિની ચેન્નાઈના અય્યપનથંગલ (Ayyappanthangal) સ્થિત પોતાના નિવાસસ્થાને મૃત અવસ્થામાં મળી આવી હતી. પોલીસની પ્રાથમિક તપાસ મુજબ, આ આત્મહત્યા પાછળ પારિવારિક વિવાદ હોવાનું જણાય છે. 3 April ના રોજ તે બેંગલુરુથી શૂટિંગ (Shooting) માટે ચેન્નાઈ પરત ફરી હતી. રવિવારની મધરાતે પતિ સાથે વીડિયો કોલ (Video Call) પર વાતચીત દરમિયાન કોઈ બાબતે ઉગ્ર દલીલ થઈ હતી. આ ગુસ્સા અને માનસિક તણાવમાં આવીને તેણે લાઈવ કોલ પર જ ગળે ફાંસો ખાઈ લીધો હતો. હાલ પોલીસ આ મામલે વધુ ઊંડી તપાસ કરી રહી છે. એક હોનહાર કલાકારના આવા આકસ્મિક નિધનથી તેના ચાહકો ખૂબ જ દુખી છે.