અમેરિકામાં નકલી યુ-વિઝા કૌભાંડમાં ચંદ્રકાંત પટેલ અને 4 પોલીસ અધિકારી દોષિત

USA Visa Fraud Scheme | અમેરિકાના (America) લ્યુઇસિયાના (Louisiana) રાજ્યમાં એક ચોંકાવનારું વિઝા કૌભાંડ સામે આવ્યું છે. ઓકડેલ (Oakdale) ખાતે સબવે (Subway) ફ્રેન્ચાઇઝી ધરાવતા 40 વર્ષીય ભારતીય નાગરિક ચંદ્રકાંત પટેલે (Chandrakant Patel) નકલી પોલીસ રિપોર્ટના આધારે વિદેશી નાગરિકોને યુ-વિઝા (U-Visas) અપાવવાના વર્ષો જૂના કૌભાંડમાં પોતાનો ગુનો કબૂલી લીધો છે.

ફેડરલ પ્રોસિક્યુટર્સના જણાવ્યા અનુસાર, ચંદ્રકાંત પટેલે યુ.એસ. ડિસ્ટ્રિક્ટ કોર્ટમાં (U.S. District Court) વિઝા ફ્રોડ કરવાની કાવતરું ઘડવા અને મની લોન્ડરિંગના (money laundering) એક-એક કાઉન્ટમાં પોતાનો ગુનો સ્વીકાર્યો છે. આ સ્કેમ (scheme) ડિસેમ્બર 2015 થી જુલાઈ 2025 સુધી સક્રિય હતું.

યુ-વિઝા (U-Visa) એ એવા વિદેશી નાગરિકોને મળતી કાનૂની રાહત છે જેઓ કોઈ ગંભીર ગુનાનો ભોગ બન્યા હોય અને તપાસમાં કાયદા અમલીકરણ એજન્સીઓને મદદ કરતા હોય. આ યોજનાનો દુરુપયોગ કરીને, ચંદ્રકાંત પટેલ વિઝા ઈચ્છુક વિદેશી નાગરિકો પાસેથી હજારો ડોલર વસૂલતો હતો અને સશસ્ત્ર લૂંટના (armed robberies) ખોટા પોલીસ રિપોર્ટ્સ (police reports) તૈયાર કરાવતો હતો.

આ નકલી રિપોર્ટ તૈયાર કરવા માટે તે પોલીસ અધિકારીઓને પ્રતિ રિપોર્ટ 5,000 ડોલર આપતો હતો. ફેબ્રુઆરી 2025 માં તેણે અન્ય એક નકલી રિપોર્ટ માટે રેપિડ્સ પૅરિશ શેરિફ ઓફિસના એજન્ટને 5,000 ડોલરની લાંચ આપવાનો પ્રયાસ પણ કર્યો હતો.

આ હાઈ-પ્રોફાઈલ કેસમાં ચંદ્રકાંત પટેલ ઉપરાંત અન્ય 4 કાયદા અમલીકરણ અધિકારીઓ પણ સામેલ હતા. જેમાં પૂર્વ ફોરેસ્ટ હિલ્સ પોલીસ ચીફ ગ્લિન ડિક્સન, પૂર્વ ઓકડેલ પોલીસ ચીફ ચેડ ડોયલ, પૂર્વ ઓકડેલ માર્શલ માઈકલ સ્લેની અને પૂર્વ ગ્લેનમોરા પોલીસ ચીફ ટેબો ઓનિશિયાનો સમાવેશ થાય છે.

આ તમામ અધિકારીઓએ પોતાના સત્તાવાર હોદ્દાનો દુરુપયોગ કરીને નકલી દસ્તાવેજોને મંજૂરી આપી હતી. જુલાઈ 2025 માં ફેડરલ તપાસ બાદ આ તમામને દોષિત જાહેર કરવામાં આવ્યા હતા.

ચંદ્રકાંત પટેલ, જે એક ભારતીય નાગરિક (Indian citizen) છે, તેણે અમેરિકન સિટિઝનશિપ (citizenship) માટે અરજી કરી હતી અને ધરપકડ પહેલાં તે એડવાન્સ પેરોલ (Advance Parole) સ્ટેટસ પર હતો. તે નાસી જાય તેવો ભય (flight risk) હોવાથી તેને કસ્ટડીમાં રાખવામાં આવ્યો હતો.

પ્લી એગ્રીમેન્ટ (plea agreement) મુજબ, પટેલને ફેડરલ જેલમાં વધુમાં વધુ 15 વર્ષની (15 years) સજા થઈ શકે છે. આ સાથે તેણે આ કૌભાંડ દ્વારા કમાયેલી બહુવિધ મિલકતો, બેંક ખાતાઓ, સોનાના બિસ્કિટ (gold bars) અને જ્વેલરી પણ જપ્ત કરવા માટે સહમતિ દર્શાવી છે. બાકીના ચારેય પોલીસ અધિકારીઓએ પણ તાજેતરમાં જ પોતાનો ગુનો કબૂલી લીધો છે.