Iran Protest: તેહરાનમાં ગોળીબાર, 217 દેખાવકારોના મોતનો દાવો

ઈરાન પ્રોટેસ્ટ ન્યૂઝ (Iran Protest News): ઈરાનમાં ઈસ્લામિક શાસન વિરુદ્ધ ચાલી રહેલા વિરોધ પ્રદર્શનોએ હવે અત્યંત હિંસક અને વિકરાળ રૂપ ધારણ કરી લીધું છે. મીડિયા રિપોર્ટ્સ (Media Reports) અનુસાર, ઈરાની સરકારના આદેશ પર સુરક્ષાદળો (Security Forces) દ્વારા ઠેર-ઠેર પ્રદર્શનકારીઓ પર ગોળીબાર કરવામાં આવી રહ્યો છે.

તાજેતરમાં ‘ટાઈમ મેગેઝિન’ સાથેની વાતચીતમાં એક ઈરાની ડોક્ટરે (Iranian Doctor) નામ ગુપ્ત રાખવાની શરતે મોટો ઘટસ્ફોટ કર્યો છે. તેમણે દાવો કર્યો છે કે માત્ર રાજધાની તેહરાનની 6 હોસ્પિટલોમાં જ અત્યાર સુધીમાં ઓછામાં ઓછા 217 પ્રદર્શનકારીઓના મોત નોંધાયા છે. જોકે, આ આંકડાઓની હજુ સુધી સત્તાવાર પુષ્ટિ થઈ શકી નથી.

ભયાનક દમન અને સરકારી ક્રૂરતા (Government Brutality)

જો ડોક્ટર દ્વારા આપવામાં આવેલો આ મૃત્યુઆંક સાચો હોય, તો તે ઈરાનમાં સરકાર વિરોધી પ્રદર્શનોના ભયાનક દમન (Suppression) તરફ ઈશારો કરે છે. આ પ્રદર્શનો ડિસેમ્બરના અંતમાં આર્થિક સંકટ (Economic Crisis) સામે શરૂ થયા હતા, પરંતુ હવે તે સમગ્ર ઈરાનના 31 પ્રાંતોમાં ફેલાઈ ગયા છે. દેખાવકારો હવે ‘આઝાદી’ અને ‘તાનાશાહ મુર્દાબાદ’ જેવા નારાઓ સાથે ઈસ્લામિક શાસનને જડમૂળથી ઉખાડી ફેંકવાની માંગ કરી રહ્યા છે.

હોસ્પિટલોમાં મૃતદેહોના ઢગલા

ડોક્ટરે વધુમાં જણાવ્યું કે, “જેમ-જેમ વિરોધ પ્રદર્શનો તીવ્ર બન્યા, સુરક્ષાદળોએ સીધો ગોળીબાર (Direct Firing) શરૂ કર્યો હતો. હોસ્પિટલોમાંથી શુક્રવારે અનેક મૃતદેહો ખસેડવામાં આવ્યા હતા, જેમાં મોટાભાગના યુવાનો હતા.” અહેવાલો મુજબ, ઉત્તરી તેહરાનમાં એક પોલીસ સ્ટેશનની બહાર મશીનગનથી કરવામાં આવેલા ફાયરિંગમાં અનેક લોકોએ જીવ ગુમાવ્યા છે. બીજી તરફ, રોષે ભરાયેલા પ્રદર્શનકારીઓએ તેહરાનની અલ-રસૂલ મસ્જિદમાં પણ આગ લગાવી હોવાના સમાચાર છે.

સરકારની કડક ચેતવણી અને ધમકી

આ આંદોલન વચ્ચે ઈરાની નેતૃત્વએ નમતું જોખવાને બદલે કડક વલણ અપનાવ્યું છે. સર્વોચ્ચ નેતા (Supreme Leader) આયાતુલ્લાહ અલી ખામૈનીએ સ્પષ્ટ કર્યું છે કે ઈસ્લામિક રિપબ્લિક ‘તોફાનીઓ’ સામે ઝૂકશે નહીં. તેહરાનના સરકારી વકીલે તો પ્રદર્શનકારીઓને મોતની સજા (Death Penalty) સુધીની ચેતવણી આપી છે. આ ઉપરાંત, ઈસ્લામિક રિવોલ્યુશનરી ગાર્ડ કોર્પ્સ (IRGC) એ વાલીઓને ધમકી આપી છે કે તેઓ પોતાના બાળકોને પ્રદર્શનોથી દૂર રાખે, અન્યથા ગોળી વાગવા પર જવાબદારી તેમની રહેશે.

મૃત્યુઆંક પર વૈશ્વિક નજર

માનવાધિકાર સંગઠનો (Human Rights Groups) ના મતે મૃત્યુઆંક ડોક્ટરના દાવા કરતા ઓછો હોઈ શકે છે. હ્યુમન રાઈટ્સ એક્ટિવિસ્ટ ન્યૂઝ એજન્સી મુજબ, અત્યાર સુધીમાં 63 લોકોના મોતની પુષ્ટિ થઈ છે. ઈરાનમાં મીડિયા પર સરકારી નિયંત્રણ (Censorship) હોવાથી ચોક્કસ આંકડા મેળવવા મુશ્કેલ છે. આ દરમિયાન, અમેરિકાએ પણ ઈરાની શાસનને ચેતવણી આપી છે કે પ્રદર્શનકારીઓની હત્યાના પરિણામો ગંભીર આવશે.