લંડન ડ્રીમ્સ: હરિયાણાના રોહતકનો માતૃ-પુત્રનો યુકેમાં એકસાથે બન્યા મેયર

Indian origin UK mayors | હરિયાણા (Haryana) ના રોહતક (Rohtak) ના એક પરિવાર માટે યુનાઇટેડ કિંગડમ (UK) માંથી એકસાથે બેવડી ખુશીના સમાચાર આવ્યા છે.

વર્ષ 2013 માં સ્થળાંતર કરનારા આ પરિવારના 23 વર્ષીય પુત્ર તુષાર કુમાર (Tushar Kumar) અને તેમની માતા પરવીન રાણી (Parveen Rani) યુકેના અલગ-અલગ શહેરોમાં મેયર (Mayors) તરીકે ચૂંટાયા છે. આ અદભુત સિદ્ધિ સાથે તુષાર કુમારે યુકેના ઇતિહાસમાં સૌથી નાની ઉંમરના ભારતીય મૂળના મેયર (Youngest Indian-origin Mayor) બનીને નવો રેકોર્ડ બનાવ્યો છે.

તુષાર એલસ્ટ્રી અને બોરહામવુડ ટાઉન કાઉન્સિલ (Elstree and Borehamwood Town Council) ના સૌથી યુવા મેયર બન્યા છે. તેના બરાબર 1 અઠવાડિયા પછી, તેમની માતા પરવીન રાણી હર્ટ્સમેર બરો કાઉન્સિલ (Hertsmere Borough Council) ના પ્રથમ ભારતીય મૂળના મેયર તરીકે ચૂંટાઈ આવ્યા હતા.

વતન હરિયાણાથી લંડન સુધીની સફર
તુષારના પિતા સુનિલ દહિયા (Sunil Dahiya) એ ન્યૂઝ એજન્સી પીટીઆઈ (PTI) ને ફોન પર જણાવ્યું હતું કે તુષાર 13 મે ના રોજ મેયર તરીકે ચૂંટાયો હતો, જ્યારે પરવીન 20 મે ના રોજ મેયર બન્યા હતા. આ પરિવાર મૂળ હરિયાણાના સોનીપત (Sonipat) ના ખારખોડામાં આવેલા રોહના (Rohna) ગામનો વતની છે. પરંતુ લાંબા સમય સુધી રોહતકમાં રહ્યા બાદ તેઓ વર્ષ 2013 માં યુકે શિફ્ટ થયા હતા.

સુનિલ દહિયા, જેઓ પોતે એક ઉદ્યોગપતિ (Businessman) છે, તેમણે યાદ કરતાં કહ્યું કે જ્યારે તેઓ પત્ની અને બે બાળકો સાથે અમેરિકા કે બ્રિટન આવવાનું વિચારતા હતા, ત્યારે કોઈ ખાસ આયોજન નહોતું. તે સમયે તુષારની ઉંમર માત્ર 10 વર્ષની હતી.

આજે એક જ પરિવારના માતા અને પુત્ર બંને એક જ સમયે મેયર બને તે સમગ્ર ભારતીય સમુદાય (Indian Diaspora) માટે ગૌરવની વાત છે. તુષાર જ્યારે લંડનની કોલેજમાં અભ્યાસ કરતો હતો ત્યારે માત્ર 20 વર્ષની નાની ઉંમરે કાઉન્સિલર (Councillor) તરીકે ચૂંટાયો હતો.

સંસ્કૃતિ અને મૂળિયાં સાથે જોડાયેલો પરિવાર
દહિયાએ ઉમેર્યું કે તેમનો પરિવાર આજે પણ હરિયાણાના મૂળિયાં (Roots) સાથે મજબૂત રીતે જોડાયેલો છે અને તેઓ દર વર્ષે વતનની મુલાકાત લે છે. લેબર પાર્ટી (Labour Party) ના કાઉન્સિલર તુષારે વર્ષ 2023 માં ટાઉન કાઉન્સિલ જોઈન કરી હતી અને અગાઉ તે ડેપ્યુટી મેયર (Deputy Mayor) તરીકે સેવા આપી ચૂક્યો છે. તુષાર દ્રઢપણે માને છે કે જાહેર સેવા અને સામાજિક કાર્યો (Community Service) માં જોડાવા માટે ઉંમર ક્યારેય અવરોધ (Barrier) બનવી જોઈએ નહીં.

તેમના પિતાએ વધુમાં જણાવ્યું કે તુષાર અને તેની માતા યુકેમાં જન્મેલા અને ઉછરેલા બાળકોને તદ્દન મફતમાં હિન્દી (Hindi) ભાષા શીખવતા હતા. તુષાર એક ચેરીટેબલ સંસ્થા ‘હિન્દી શિક્ષા પરિષદ’ (Hindi Shiksha Parishad) સાથે પણ સક્રિયપણે જોડાયેલો છે. બંનેએ વર્ષ 2023 માં પહેલીવાર ચૂંટણી લડી હતી.

મેયર બનતા પહેલા પરવીન રાણીએ કેબિનેટ મેમ્બર ફોર સ્ટ્રીટસીન, પાર્ક્સ, લેઝર એન્ડ કલ્ચર તેમજ ગ્લોબલ એન્વોય ફોર ફિલ્મ એન્ડ ટેલિવિઝન (Global Envoy for Film and Television) તરીકે મહત્વની ભૂમિકા ભજવી છે.

તુષારે કિંગ્સ કોલેજ લંડન (King’s College, London) માંથી પોલિટિક્સમાં બીએસસી (BSc in Politics) નો અભ્યાસ પૂર્ણ કર્યો છે અને તે આ વર્ષે સપ્ટેમ્બરમાં માસ્ટર્સ ડિગ્રી (Masters Degree) નો અભ્યાસ શરૂ કરશે.

તેનો નાનો ભાઈ પ્રિયાંશુ પણ કિંગ્સ કોલેજ સ્ટુડન્ટ્સ યુનિયન (Students Union) માં ટ્રસ્ટી છે. પરવીન રાણી તમામ પેઢીના લોકોને સાથે લાવવા ઉત્સુક છે.