કેલિફોર્નોનિયાના નોરવૉક એડલ્ટ ડે કેર સેન્ટર ખાતે હાસ્યનો ચેપ નાટક ભજવાઈ ગયું

તા ૨૩ મી જાન્યુઆરી વસંત પંચમીના પવિત્ર દિવસે નોરવૉક એડલ્ટ ડે કેર સેન્ટર માં એક અવનવો ૨૦ મિનિટ માટે નું  ‘હાસ્યનો ચેપ ‘ નાટક ભજવાઈ ગયું અત્રે  સર્વેને મૂક રહી ને હસાવવા નો પ્રયત્ન  કાન્તિભાઈ મિસ્ત્રી અને દુષ્યંતભાઈ પટેલ ના દિગ્દર્શન માં કરવામાં આવ્યો. આ નાટક્માં ભાગ લેવા વાળા સેન્ટરના સભ્ય તથા ત્યાં કામ કરતા સભ્યો હતા. આ કાર્યક્રમમાં મુખ્ય ભૂમિકા ભજવનાર મરિયાના તથા સર્વશ્રી રમેશભાઈ પટેલ,જીતુભાઈ ભાવસાર,સ્મિતાબેન,ચંદ્રિકાબેન મિસ્ત્રી,દુષ્યંતભાઈ, સેરાબેન,ગિલ્બર્ટ,હતા જ્યારે  ગીતાબેન પટેલ અને દીનાબેન શાહ ખાસ હેલ્પમાં રહ્યા હતા,

આ કાર્યક્રમ માટે  સેન્ટરના સુજી,સેજલબેન ,કેતાબેન અને નેહાબેને અદ્રશ્ય રૂપે ભાગ લઈ આ કાર્યક્રમને સુંદર રીતે પાર પાડવામાં મદદ કરી હતી. તેમજ આ કાર્યક્રમમાં ખાસ બેકગ્રાઉન્ડ સંગીત ની વ્યવસ્થા કાન્તિભાઈ મિસ્ત્રીએ કરી હતી જ્યારે કલાકારોને માર્ગદર્શન દુષ્યંતભાઈ પટેલે આપ્યું હતુ. આ એક નમ્ર પ્રયાસ અને પહેલ કરવામાં આવી છે જેને સેન્ટરના સભ્યોએ દિલથી માણ્યો અને વખાણ્યો.અને આવા કાર્યક્રમ દર મહિને રજુ કરવાનું સુચન પણ કરવામાં આવ્યું હતુ. કાર્યક્રમ બાદ અત્રેના સુજી એ સર્વે કસબી કલાકારોને ખાસ મોમેન્ટો આપી નવાજ્યા હતા. આ કાર્યક્રમ કરવાની પરવાનગી આપવા બદલ કાન્તિભાઈ  મિસ્ત્રી અને દુષ્યંતભાઈ પટેલ સંસ્થાના અધિકારીઓનો ખૂબ ખૂબ આભાર માને છે.
( માહિતીઃ દુષ્યંતભાઈ પટેલ અને તસ્વિર સૌજન્યઃ કાન્તિભાઈ મિસ્ત્રી, કેલિફોર્નિયા )