અમેરિકા: FBI ડાયરેક્ટર કાશ પટેલનું પર્સનલ ઈમેલ હેક, ઈરાની હેકર્સનો હાથ

FBI Director Kash Patel Email Hacked: મિડલ ઈસ્ટ (Middle East) માં ચાલી રહેલા યુદ્ધ વચ્ચે અમેરિકાની શક્તિશાળી ગુપ્તચર એજન્સી FBI ના ડાયરેક્ટર (Director) કાશ પટેલનું પર્સનલ ઈમેલ એકાઉન્ટ (Personal Email Account) હેક થતા સનસનાટી મચી ગઈ છે. આ હુમલા પાછળ ઈરાની હેકર્સ (Iranian Hackers) નો હાથ હોવાનો દાવો કરવામાં આવ્યો છે.

પર્સનલ ફોટા અને ડોક્યુમેન્ટ્સ લીક (Data Leak) પ્રો-પેલેસ્ટાઈની હેકિંગ ગ્રુપ ‘હંદાલા હેક’ (Handala Hack) દ્વારા કાશ પટેલના અંગત ફોટા અને દસ્તાવેજો ટેલિગ્રામ (Telegram) અને તેમની વેબસાઈટ પર લીક કરવામાં આવ્યા છે. માઈક્રોબ્લોગિંગ સાઈટ X પર પણ આ તસવીરો વાયરલ થઈ રહી છે, જેના કારણે અમેરિકી સુરક્ષા એજન્સીઓ એલર્ટ (Alert) મોડ પર આવી ગઈ છે.

ડેટાની સત્યતા અને ગંભીરતા અમેરિકી ડિપાર્ટમેન્ટ ઓફ જસ્ટિસ (Department of Justice) ના અધિકારીઓએ સ્વીકાર્યું છે કે ઓનલાઈન લીક થયેલો ડેટા અસલી જણાય છે. આ પર્સનલ જીમેઈલ (Gmail) આઈડીમાં વર્ષ 2010 થી 2019 સુધીના ઈમેલ્સ હતા, જેમાં વ્યક્તિગત અને વ્યાવસાયિક (Professional) બંને પ્રકારની સંવેદનશીલ વિગતો સામેલ છે.

સુરક્ષા વ્યવસ્થા પર સવાલો દેશની સૌથી મોટી તપાસ એજન્સીના પ્રમુખનું એકાઉન્ટ હેક થતા અમેરિકાની સાયબર સિક્યોરિટી (Cyber Security) પર ગંભીર સવાલો ઉભા થયા છે. અગાઉ પણ ઈરાન (Iran) સાથે જોડાયેલા હેકર્સ પર અમેરિકી અધિકારીઓને નિશાન બનાવવાના આરોપો લાગતા રહ્યા છે. હાલમાં આ ડેટા લીકથી રાષ્ટ્રીય સુરક્ષા (National Security) પર કેટલી અસર પડશે તેની તપાસ ચાલી રહી છે.