H-1B વિઝાધારકો માટે મોટા સમાચાર: ટ્રમ્પ સરકારનો લઘુત્તમ પગારમાં વધારો કરવાનો નવો પ્રસ્તાવ

Donald Trump and H1B Visa: અમેરિકામાં નોકરી કરતા વિદેશી પ્રોફેશનલ્સ (Foreign Professionals) માટે ટ્રમ્પ સરકારે એક મહત્વપૂર્ણ દરખાસ્ત રજૂ કરી છે. અમેરિકન શ્રમ વિભાગે (Department of Labor) H-1B અને અન્ય વિઝા કાર્યક્રમો હેઠળ લઘુત્તમ પગાર (Minimum Salary) વધારવાનો પ્રસ્તાવ મૂક્યો છે. આ નિર્ણયનો મુખ્ય આશય વિદેશી કર્મચારીઓ અને યુએસ નાગરિકોના પગાર સમાન કરવાનો છે.

પગારમાં વાર્ષિક 14,000 ડોલરનો વધારો શક્ય સૂચિત નિયમો હેઠળ વિદેશી પ્રોફેશનલ્સનો પગાર વાર્ષિક (Annual) લગભગ 14,000 ડોલર ($14,000) વધવાની સંભાવના છે. શ્રમ મંત્રી લોરી શાવેઝ ડિરેમરે જણાવ્યું કે, આ ફેરફારથી અમેરિકન નાગરિકોની રોજગારી સુરક્ષિત થશે અને વિઝા સિસ્ટમ (Visa System) નો દુરુપયોગ અટકશે. નવી યોજના મુજબ એન્ટ્રી લેવલ (Entry Level) ના પગારનું સ્તર 17મા પર્સેન્ટાઈલથી વધીને 34મું પર્સેન્ટાઈલ થઈ જશે.

ભારતીય પ્રોફેશનલ્સ પર અસર આ નવા નિયમોની અસર ભારતીય આઈટી પ્રોફેશનલ્સ (Indian IT Professionals) પર પડવાની શક્યતા છે. અગાઉ ટ્રમ્પ સરકારે H-1B વિઝા પર 1 લાખ ડોલર ($1,00,000) ની ફી લાદી હતી. હવે નવા નિયમ મુજબ, એમ્પ્લોયરે (Employer) પ્રચલિત પગાર અથવા વાસ્તવિક પગારમાંથી જે વધુ હશે તે ચૂકવવો પડશે. આનાથી કંપનીઓ માટે સસ્તા વિદેશી કામદારો રાખવા મોંઘા પડશે.

નવી અરજીઓ પર લાગુ થશે નિયમ શ્રમ વિભાગના જણાવ્યા અનુસાર, આ નવા નિયમો માત્ર H-1B વિઝાની નવી અરજીઓ (New Applications) પર જ લાગુ થશે. જે કર્મચારીઓની અરજીઓ અગાઉથી સ્વીકૃત છે, તેમના પર હાલ આની કોઈ અસર નહીં થાય. આ પગલાથી અમેરિકન બજારમાં સ્થાનિક નાગરિકોને પ્રાધાન્ય મળવાની આશા છે.