દિલ્હીમાં IRS અધિકારીની દીકરીની દુષ્કર્મ બાદ હત્યા, ચાર્જરના વાયરથી ગળું દબાવ્યું

Delhi Crime News | દક્ષિણ-પૂર્વ દિલ્હી (South-East Delhi) ના અમર કોલોની (Amar Colony) વિસ્તારમાં એક હૃદયદ્રાવક ઘટના સામે આવી છે. અહીં એક સિનિયર IRS અધિકારીની 21 વર્ષીય દીકરીની તેના જ ઘરમાં હત્યા કરવામાં આવી છે.

પોલીસની પ્રાથમિક તપાસ (Preliminary Investigation) મુજબ, યુવતીની હત્યા કરતા પહેલા તેની સાથે દુષ્કર્મ (Rape) આચરવામાં આવ્યું હોવાની આશંકા છે. હત્યારાએ મોબાઈલ ચાર્જરના વાયર (Mobile Charger Wire) થી ગળું ઘોંટીને આ ખૌફનાક વારદાતને અંજામ આપ્યો હતો.

ઘટના સમયે પીડિતા ઘરે એકલી હતી. પરિવારજનોએ જ્યારે ઘરે આવીને દીકરીની લાશ જોઈ ત્યારે સમગ્ર મામલો પ્રકાશમાં આવ્યો હતો. આ કેસમાં શંકાની સોય ઘરના જૂના નોકર (Domestic Helper) તરફ જઈ રહી છે, જેને 1 મહિના પહેલા જ કામ પરથી કાઢી મૂકવામાં આવ્યો હતો.

દિલ્હી પોલીસે (Delhi Police) આ મામલે હત્યા અને દુષ્કર્મની કલમો હેઠળ ગુનો નોંધી તપાસ તેજ કરી છે. આરોપીને પકડવા માટે અલગ-અલગ ટીમો (Teams) નું ગઠન કરવામાં આવ્યું છે. આ ઘટનાએ VIP વિસ્તાર ગણાતી અમર કોલોનીમાં સુરક્ષા વ્યવસ્થા સામે મોટા સવાલો ઉભા કર્યા છે.