ઓલ ઇન્ડિયા મોટરબાઈક એક્સપિડીશન-2022 દ્વારા આયોજિત ‘ફ્રીડમ મોટો રાઈડબાઈક રેલી’ અમદાવાદ પહોંચી

આઝાદી કા અમૃત મહોત્સવની ઉજવણી સંદર્ભે અને FIT ઈન્ડિયા મૂવમેન્ટને પ્રોત્સાહન આપવા
માટે ‘ફ્રીડમ મોટો રાઈડ 2022’નું આયોજન કરવામાં આવ્યું છે, જે અંતર્ગત ‘ધ ફ્રીડમ મોટો
રાઈડ-2022′ બાઈક રેલીનું આયોજન કરાયું છે. આ બાઈક રેલીએ ભારતની આઝાદીના 75
વર્ષ અને દેશના ભવ્ય ઈતિહાસ, પ્રાચીન અને મહાન સંસ્કૃતિ અને સિદ્ધિઓને સમર્પિત છે.

આ ફ્રીડમ મોટો રાઈડમાં 75 પ્રોફેશનલ રાઈડર્સે ભાગ લીધો છે, જે દેશના વિવિધ 75 જેટલા
આઇકોનિક સ્થળોની મુલાકાત લેવાના છે. જે સંદર્ભે આજે આ બાઈક રેલી અમદાવાદ આવી
પહોંચી હતી અને સુપ્રસિદ્ધ ગાંધી આશ્રમ તથા અટલ બ્રિજની મુલાકાત કરી હતી.

આ બાઈક રેલીના 75 રાઇડર્સ લગભગ 75 દિવસના સમયગાળામાં આંતરરાષ્ટ્રીય સરહદો
સહિત દેશના 34 રાજ્યો અને કેન્દ્રશાસિત પ્રદેશોમાં કુલ 18,000 કિલોમીટરથી વધુનું અંતર
કાપવાના છે. આ યાત્રા 9મી સપ્ટેમ્બરથી શરૂ થઈ હતી અને 24 નવેમ્બર, 2022ના રોજ
સમાપ્ત થશે.

આ કાર્યક્રમ ફિટનેસ વિશે લોકોને પ્રોત્સાહિત કરવા તથા જાગૃતિ લાવવાના ઉદ્દેશથી આયોજિત
કરાયો છે. ‘ફ્રીડમ મોટો રાઈડ’ ફિટ ઈન્ડિયા મૂવમેન્ટ સાથે સત્તાવાર રીતે સંકળાયેલી છે.