અમદાવાદ ખાતે મતદાર યાદી ખાસ સંક્ષિપ્ત સુધારણા સંદર્ભે રાજકીય પક્ષો સાથે બેઠક યોજાઈ

અમદાવાદ ખાતે મતદાર યાદી ખાસ સંક્ષિપ્ત સુધારણા સંદર્ભે રાજકીય પક્ષો સાથે
બેઠકનું આયોજન કરવામાં આવ્યું હતું. આ બેઠકમાં ચીફ ઇલેક્ટોરલ ઓફિસર સુશ્રી પી. ભારતી
અને અમદાવાદના કલેકટરશ્રી ડૉ. ધવલ પટેલ ઉપસ્થિત રહ્યા હતા.

આ બેઠકમાં મતદાર યાદીમાં જે ખાસ સુધારણા કરવાના હતા, તે અંગે નાગરિકત્વની
લાયકાતની તારીખો, મતદાર યાદી અંતર્ગત કરવામાં આવતી પ્રવૃત્તિઓ, મતદાર યાદી
તપાસવા માટે ઓફલાઈન અને ઓનલાઇન માધ્યમો તથા બુથ લેવલ એજન્ટ અંગેનાં વિવિધ
મુદ્દાઓ વિશે રાજકીય પક્ષો સાથે ચર્ચા વિચારણા કરવામાં આવી હતી. જેમાં રાજકીય પક્ષો
દ્વારા પોતાના પ્રશ્નો અને મંતવ્યો રજૂ કરવામાં આવ્યાં હતાં.
આ બેઠકમાં સંયુક્ત ઇલેક્શન ઓફિસર શ્રી એ. બી. પટેલ, નાયબ સચિવ શ્રી નીતિન
આચાર્ય, ઉપ સચિવ શ્રી દિલીપ ભાવસાર, એડિશનલ કલેકટર શ્રી ડી. એન. રાંક સહિતના
ઉચ્ચ અધિકારીશ્રીઓ, વિવિધ રાજકીય પક્ષો તથા અન્ય મહાનુભાવો ઉપસ્થિત રહ્યા હતા.