ન્યૂઝીલેન્ડમાં રમાઈ રહેલી સુપર સ્મેશ 2025-26 (Super Smash 2025-26) ડોમેસ્ટિક T20 ટુર્નામેન્ટમાં રવિવારે, 4 જાન્યુઆરીના રોજ ક્રિકેટ ઇતિહાસની એક અનોખી ઘટના બની. નોર્ધન નાઈટ્સ (Northern Knights) અને ઓટાગો (Otago) વચ્ચેની મેચમાં ટીમે જીત મેળવવા માટે એવી રણનીતિ (Strategy) અપનાવી જે અગાઉ ક્યારેય જોવા મળી નથી.
નોર્ધન નાઈટ્સની ટીમ 167 રનના ટાર્ગેટનો પીછો કરી રહી હતી. 16 ઓવરના અંતે સ્કોર 3 વિકેટે 109 રન હતો અને છેલ્લી 24 બોલમાં 58 રનની જરૂર હતી. આ સમયે ક્રિઝ પર રહેલા બેટ્સમેન જીત રાવલ (Jeet Raval) 27 બોલમાં માત્ર 23 રન બનાવી ધીમી બેટિંગ કરી રહ્યો હતો. ટીમને ઝડપી રનની જરૂર હોવાથી, 17મી ઓવરના પહેલા બોલ પર જ રાવલે ‘રિટાયર્ડ આઉટ’ (Retired Out) થઈને પેવેલિયન પરત ફરવાનો આશ્ચર્યજનક નિર્ણય લીધો.
જીત રાવલ બાદ મેદાનમાં આવેલા કેપ્ટન બેન પોમારે (Ben Pomare) આવતાની સાથે જ ચોગ્ગા ફટકારવાનું શરૂ કર્યું. જોકે, બીજા છેડે રહેલો ઝેવિયર બેલ (Xavier Bell) પણ લયમાં નહોતો. તેણે 13 બોલમાં માત્ર 9 રન કર્યા હતા. રાવલની રણનીતિને અનુસરીને, ઝેવિયર બેલે પણ 18મી ઓવરના પહેલા બોલ પર રિટાયર્ડ આઉટ થવાનો નિર્ણય લીધો. T20 ક્રિકેટના ઇતિહાસમાં આ પ્રથમ ઘટના છે જ્યારે એક જ ઈનિંગમાં બે ખેલાડીઓ રિટાયર્ડ આઉટ થયા હોય.
આ અનોખી વ્યૂહરચના કામ કરી ગઈ અને રનની ગતિ વધી. કેપ્ટન પોમારે 10 બોલમાં 20 રન અને સ્કોટ કુગેલેઈજને (Scott Kuggeleijn) માત્ર 12 બોલમાં 34 રન ફટકાર્યા. આ તોફાની બેટિંગના કારણે નોર્ધન નાઈટ્સ 20 ઓવરમાં 166 રન સુધી પહોંચી શકી અને અંતે આ રોમાંચક મેચ ટાઈ (Tie) માં પરિણમી હતી.
15 જુલાિઇથી અમલમાં આવેલ ભારત-યુનાઈટેડ કિંગડમ કોમ્પ્રિહેન્સિવ ઈકોનોમિક એન્ડ ટ્રેડ એગ્રીમેન્ટ (CETA) 15 જુલાઈ 2026ના…
India UK FTA | ભારત અને બ્રિટન (Britain) વચ્ચે બિઝનેસ ક્ષેત્રે એક નવો અધ્યાય શરૂ…
Pakistan PoK Violence | પાકિસ્તાનની મુશ્કેલીઓ સતત વધી રહી છે. દેશની આર્થિક કટોકટી વચ્ચે હવે…
US Iran War | મિડલ ઈસ્ટ (Middle East) માં ચાલી રહેલો સંઘર્ષ હવે એક અત્યંત ખતરનાક…
U.S કૉંગ્રેસમેન પીટ સેશન્સે ડલ્લાસ અને ફ્રિસ્કો, ટેક્સાસમાં સ્થિત BAPS શ્રી સ્વામિનારાયણ મંદિરોની મુલાકાત લીધી…
CRS દ્વારા કટોસણ રોડ-રણુજ બ્રોડ ગેજ રેલખંડ પર પેસેન્જર ટ્રેન સેવાઓને મંજૂરી અમદાવાદ | 15…