USA: વર્જીનીયાના હેમ્પટન હિન્દુ મંદિરમાં શ્રી રામલલાની મૂર્તિ પ્રાણપ્રતિષ્ઠા ઉત્સવની ઉજવણી કરાઇ

ભારતમાં અયોધ્યા (Ayodhya) ખાતે ૨૨મી જાન્યુઆરી ૨૦૨૪ના પવિત્ર દિવસે જેની આતુરતાથી રાહ જોવાતી હતી, તે શ્રી રામલલાની મૂર્તિ પ્રાણપ્રતિષ્ઠાનો ઉત્સવ રંગેચંગે ઉજવાયો હતો. આ ઐતિહાસિક ક્ષણને વધાવવા માટે અમેરિકાના (USA) વર્જીનીયામાં પણ ભારે ઉત્સાહ જોવા મળ્યો હતો.

વર્જીનીયાના હેમ્પટન રોડ (Hampton Road) ખાતે ૨૦મી જાન્યુઆરીએ સ્થાનિક હિન્દુ ટેમ્પલ (Hindu Temple) ખાતે અયોધ્યાથી આવેલી પવિત્ર ધજા સાથે ભવ્ય રેલીનું (Rally) આયોજન કરવામાં આવ્યું હતું. આ શોભાયાત્રામાં મોટી સંખ્યામાં ભાવિકો જોડાયા હતા અને ‘જય શ્રી રામ’ ના ગુંજતા નારાઓ સાથે ધ્વજની સ્થાપના કરવામાં આવી હતી.

આ ખાસ પ્રસંગે (Occasion) હિન્દુ મંદિરમાં ‘સુંદરકાંડ’ (Sundarkand) પાઠનું સુંદર આયોજન સેક્રેટરી શ્રી મનન શાહની આગેવાનીમાં કરવામાં આવ્યું હતું. સંગીતકાર નિમેષભાઈએ મધુર સંગીત (Music) પીરસ્યું હતું, જ્યારે શ્રી જયેશભાઈ શાહે પોતાના કર્ણપ્રિય અવાજથી ભક્તોને મંત્રમુગ્ધ કર્યા હતા.

આ કાર્યક્રમમાં વિનયભાઈ, સંજયભાઈ, મયંકભાઈ, પિયુષા ગજ્જર અને ચારૂબેન પટેલે પણ સહકાર આપ્યો હતો. આ ધાર્મિક કાર્યક્રમમાં હાજર રહેલા તમામ દર્શનાર્થીઓએ ભાવપૂર્વક ભાગ લઈ ધન્યતા અનુભવી હતી.

( તસ્વિર અને માહિતી સૌજન્ય:- કાંતિભાઈ મિસ્ત્રી. અમેરીકા )