‘ભારત અને અમારૂં DNA એક’: અફઘાન મંત્રીના નિવેદનથી પાકિસ્તાન સ્તબ્ધ, દ્વિપક્ષીય સંબંધો મજબૂત બનશે

India Afghanistan News |  પાકિસ્તાન (Pakistan) સાથે સતત વણસતા સંબંધો વચ્ચે અફઘાનિસ્તાને (Afghanistan) ભારત સાથેના પોતાના ઐતિહાસિક અને સાંસ્કૃતિક સંબંધોને વધુ મજબૂત કરવાના સ્પષ્ટ સંકેતો આપ્યા છે.

હાલમાં જ ભારતના પ્રવાસે આવેલા અફઘાનિસ્તાનના કૃષિ, સિંચાઈ અને પશુપાલન મંત્રી (Minister of Agriculture, Irrigation and Livestock) મૌલવી અતાઉલ્લાહ ઓમરીએ (Maulvi Ataullah Omari) બંને દેશોના પરંપરાગત સંબંધોની ખુલ્લેઆમ પ્રશંસા કરી છે.

તેમણે એક કાર્યક્રમ દરમિયાન ભાવુક થતા કહ્યું કે, “ભારત અને અફઘાનિસ્તાનનું ડીએનએ (DNA) એક જ છે. અહીં આવીને મને એવું લાગ્યું જાણે હું મારા પોતાના જ દેશમાં અને મારા પોતાના લોકોની વચ્ચે છું.”

નવી દિલ્હીમાં વિદેશ મંત્રાલય (Ministry of External Affairs – MEA) ના સહયોગથી આયોજિત ‘ઈન્ડિયા-અફઘાનિસ્તાન ટ્રેડ ઓપોર્ચ્યુનિટીઝ ઈન્ડસ્ટ્રી ઈન્ટરેક્ટિવ સેશન’ (India-Afghanistan Trade Opportunities Industry Interactive Session) ને સંબોધિત કરતા ઓમરીએ જણાવ્યું હતું કે, આ તેમની પ્રથમ ભારત મુલાકાત છે.

ભારતમાં તેમને જે સન્માન અને આતિથ્ય મળ્યું છે, તેણે તેમનું દિલ જીતી લીધું છે. ભારતના લોકોની મહેમાનગતિની પ્રશંસા કરતા તેમણે ઉમેર્યું કે, આ સન્માન અફઘાનિસ્તાનની જનતા માટે ભવિષ્યની એક નવી આશા લઈને આવ્યું છે.

અફઘાન મંત્રીએ જણાવ્યું કે, “અમારો આશરે 80% (80 percent) સમાજ કૃષિ, સિંચાઈ અને પશુપાલન પર નિર્ભર છે. હવે સમય આવી ગયો છે કે આ ક્ષેત્રોને આધુનિક ટેકનોલોજી (Modern Technology) સાથે જોડવામાં આવે અને ભારત આ દિશામાં અમારો મહત્વનો ભાગીદાર (Partner) બની શકે છે.”

ઓમરીએ ભારતીય ઉદ્યોગજગતને અફઘાનિસ્તાનમાં રોકાણ (Investment), ફૂડ પ્રોસેસિંગ (Food Processing) અને કેપેસિટી બિલ્ડિંગ (Capacity Building) જેવા ક્ષેત્રોમાં સહયોગ કરવા અપીલ કરી છે.

મહત્વનું છે કે, આ જ અઠવાડિયે નવી દિલ્હીમાં ભારત-અફઘાનિસ્તાન સંયુક્ત સમિતિ (Joint Committee) ની 4th (Fourth) બેઠક પણ યોજાઈ હતી. જેમાં માનવતાવાદી સહાય (Humanitarian Aid), વિકાસલક્ષી પ્રોજેક્ટ્સ (Development Projects), ખાદ્ય સુરક્ષા (Food Security) અને આરોગ્ય સેવાઓ જેવા અગત્યના મુદ્દાઓ પર વ્યાપક ચર્ચા થઈ હતી. કાબુલ (Kabul) અને ઈસ્લામાબાદ (Islamabad) વચ્ચે સરહદ વિવાદ અને સુરક્ષા મુદ્દે ચાલી રહેલા ભારે તણાવ વચ્ચે ભારત સાથે અફઘાનિસ્તાનની આ વધતી નિકટતા પ્રાદેશિક રાજકારણ (Regional Politics) ની દ્રષ્ટિએ અત્યંત મહત્વપૂર્ણ માનવામાં આવી રહી છે.