ફ્રાન્સમાં Xની ઓફિસ પર દરોડા, AI ડીપફેક મામલે મસ્કને સમન્સ

Raid on Elon Musk X’s Paris office |  એલોન મસ્ક (Elon Musk) ની સોશિયલ મીડિયા કંપની X (પહેલાનું Twitter) પર ફ્રાન્સના સત્તાવાળાઓએ મોટી કાર્યવાહી કરી છે. મંગળવાર, 3 ફેબ્રુઆરીના રોજ પેરિસમાં X ની ઓફિસ પર દરોડા (Raid) પાડવામાં આવ્યા હતા. આ કાર્યવાહી પાછળ પ્લેટફોર્મ પર ફેલાવવામાં આવતી અશ્લીલ સામગ્રી અને બાળકોના જાતીય શોષણના ફોટાઓ જવાબદાર હોવાનું મનાય છે.

AI ચેટબોટ ‘Grok’ વિવાદના કેન્દ્રમાં

આ તપાસમાં મુખ્યત્વે મસ્કની આર્ટિફિશિયલ ઇન્ટેલિજન્સ (Artificial Intelligence) કંપની xAI દ્વારા નિર્મિત ‘Grok’ ચેટબોટ શંકાના દાયરામાં છે. આરોપ છે કે આ AI ટૂલનો ઉપયોગ કરીને યુઝર્સ કોઈપણ મહિલા કે બાળકના કપડાં હટાવીને ડીપફેક (Deepfake) ફોટા બનાવી રહ્યા હતા. બ્રિટનમાં પણ ડેટા પ્રાઈવસી (Data Privacy) રેગ્યુલેટરે આ મામલે તપાસ તેજ કરી છે.

એલોન મસ્કને પૂછપરછ માટે તેડું

ફ્રાન્સના સરકારી વકીલોએ એલોન મસ્ક અને ભૂતપૂર્વ CEO લિન્ડા યાકારિનોને 20 એપ્રિલના રોજ “સ્વૈચ્છિક ઇન્ટરવ્યુ” (Voluntary Interview) માટે બોલાવ્યા છે. સાયબર ક્રાઈમ યુનિટ (Cyber Crime Unit) દ્વારા ગયા વર્ષથી ચાલી રહેલી તપાસમાં હવે X ના કર્મચારીઓની પણ સાક્ષી તરીકે પૂછપરછ કરવામાં આવશે.

મસ્કે આ કાર્યવાહીને ગણાવી ‘રાજકીય હુમલો’

આ દરોડા બાદ એલોન મસ્કે પોતાની પ્રતિક્રિયા આપતા આને એક ‘રાજકીય હુમલો’ (Political Attack) ગણાવ્યો છે. કંપનીએ સત્તાવાર નિવેદનમાં કહ્યું કે, આ કાર્યવાહી કાયદાકીય લક્ષ્યોને બદલે રાજકીય ઉદ્દેશ્યો પૂરા કરવા માટે કરવામાં આવી છે.